東涌私人屋苑 — 德國蟑螂及褐帶蟑螂(曱甴)

  • Post last modified:7 六月, 2021

今日去咗個東涌私人屋苑單位滅曱甴,客人事前向我地諮詢果陣,已經發現佢既單位同時有德國蟑螂褐帶蟑螂

我地到場同客人了解後,得知客人工作忙碌,甚少做清潔,即使用過既碗碟亦係疊埋一次過洗,所以部份廚櫃入面有曱甴屎及曱甴蛋亦無為意。至於係客廳,只要一移走掛畫就發現多隻曱甴躲藏係後面。

通常單位有多種曱甴出現,我們都會分開處理,不能同時在同一地方落曱甴gel(蟑螂藥餌)再噴殺蟲水,因為會影響曱甴食gel既效果。同時,亦解釋俾客人知環境衛生會有影響,當廚房充滿食物碎屑、油漬就會成為曱甴喜愛既地方並繼續繁殖。嚴重曱甴問題除左要做幾次治理(因為蟑螂卵殼可保護幼蟲不受殺蟲劑影響),仲要配合乾淨環境先可以根除。