有位將軍澳客人已經用左 BioKill 滅蟲劑十幾年。近期發現好多果蠅出現，自行噴左殺蟲水後，雖然見到有死嘅果蠅，但係 keep 住每日都見到有五六隻飛出嚟，客人覺得好困擾，向我哋諮詢時，表示屋企好乾淨企理，見唔到有任何跡象係屋企滋生，懷疑係外面飛入嚟。佢請左我地嘅師傅上去，入到去一睇間屋果然好乾淨，應該無條件俾果蠅滋生到。於是我地就展開地氈式搜查，成套櫥櫃都冇問題嘅，而櫥櫃對面果組用黎放雜物嘅櫃係離地嘅，咁我地就抱住偵探精神彎低身睇，一睇就發現隻爛咗嘅蕃茄！仲有一排果蠅卵同一堆果蠅飛飛下！搵到問題所在，當然即時清走隻爛蕃茄同抹乾淨，再全屋噴藥，最後客人的問題得以解決。通常噴完 BioKill 保而剋滅蟲劑有蟲死，但又有生嘅不停出現，其實係代表個蟲患源頭仲未解決，只要處理左個源頭，害蟲自然難以繼續滋生。

上個月做左單白蟻檢查發生左件趣事。 我係屋內負責檢查所有地方，另一位同事負責檢查白蟻藥餌盒。當我檢查到工作房時，客人同我講「我成日係雜物房地板聽到嘀嘀聲，好響嘅，懷疑係白蟻」。聽到客人嘅形容我都擔心，因為當兵蟻受騷擾時，佢嘅身體會震動，令佢嘅鉗會敲到表面引致「嘀嘀」聲。 我跟客人去雜物房，當我檢查雜物房地板時，真係聽到好大嘅「嘀嘀」聲，我問客人係咪就係依種「嘀嘀」聲，佢話係。於是我向客人解釋，佢所聽到嘅「嘀嘀」聲原來係一個近地板抽濕機調較時間掣所發出嘅。 解釋後，客人得知係虛驚一場。大家都笑了。

今日去咗個東涌私人屋苑單位滅曱甴，客人事前向我地諮詢果陣，已經發現佢既單位同時有德國蟑螂同褐帶蟑螂。 我地到場同客人了解後，得知客人工作忙碌，甚少做清潔，即使用過既碗碟亦係疊埋一次過洗，所以部份廚櫃入面有曱甴屎及曱甴蛋亦無為意。至於係客廳，只要一移走掛畫就發現多隻曱甴躲藏係後面。 通常單位有多種曱甴出現，我們都會分開處理，不能同時在同一地方落曱甴gel(蟑螂藥餌)再噴殺蟲水，因為會影響曱甴食gel既效果。同時，亦解釋俾客人知環境衛生會有影響，當廚房充滿食物碎屑、油漬就會成為曱甴喜愛既地方並繼續繁殖。嚴重曱甴問題除左要做幾次治理(因為蟑螂卵殼可保護幼蟲不受殺蟲劑影響)，仲要配合乾淨環境先可以根除。

早前有位客人係廚房食物架附近發現一堆啡色粒粒，以為係拎食物時趺左啲碎屑，清理後第二日係食物架附近又再見到，佢用電筒照發然原來有腳，佢地仲郁緊咖！客人用殺蟲水噴，雖然數量少左，但隔日係同一位置仍然見到，所以上網搵殺蟲公司搵到我地，再send相俾我地辨認，依種「啡色粒粒蟲」其實係煙甲蟲，多數來自乾貨產品，例如：藥材、茶葉、五穀雜糧等。即時叫客人檢查屋企既乾貨包裝，如果見到有依隻蟲就要棄掉，客人睇完但未有發現。 由於仲未搵到源頭，所以就搵左我地上黎檢查同噴藥。我地逐包檢查後發現係來自一包夏桑菊，客人棄掉問題食物，我地再幫手全屋噴藥。客人今日聯絡我地表示冇再見到煙甲蟲，多謝我地認真檢查，否則日日係同一位置見到，但又唔知係邊度出黎既話會好困擾。